Кожная пятніца – роднае сваё

У дзіцяча-юнацкім сектары ДУК “Бярэзінская цэнтральная раённая бібліятэка” сёння праходзіць цудоўная акцыя пад назвай “Кожная пятніца – роднае сваё”. Гэта сапраўдны святочны дзень для ўсіх, хто любіць кнігу і роднае слова. Бібліятэкар стварыла незвычайную выставу “Чароўны кошык беларускіх казак”, якая заклікае падыйсці і пагартаць старонкі. На выставе прадстаўлены самыя розныя кнігі беларускіх аўтараў: ад вядомых класікаў да сучасных пісьменнікаў. Кожная  – нібыта зачараваны скарб, які чакае свайго чытача ў гэту выдатную пятніцу! Акрамя займальнай літаратуры, наведвальнікаў вабіць яшчэ адна цікавінка – крыжаванка. Як толькі дзеці заходзяць у бібліятэку, іх позірк адразу ж прыцягвае гэта загадкавае поле. Крыжаванка незвычайная – яна цалкам на беларускай мове. Дзеці ўважліва слухаюць пытанні і з задавальненнем упісваюць літары ў пустыя клетачкі, праяўляючы кемлівасць і веды. Але на гэтым прыемныя сюрпрызы не заканчваюцца. Бібліятэкар прапануе юным чытачам не толькі разгадаць крыжаванку, але і паспрабаваць свае сілы ў адгадванні беларускіх загадак, а таксама ў хуткім і дакладным вымаўленні складаных беларускіх скорагаворак. Гэта сапраўднае цэласнае акунанне ў атмасферу мовы! Усім – і дзецям, і дарослым – вельмі падабаецца гэтая новая добрая традыцыя. Чакаць пятніцы цяпер стала асабліва прыемна, бо гэты дзень у бібліятэцы напоўнены радасцю, ведамі і любоўю да роднага краю.