Літаратурная гульня

У госці да вучняў 2–3 класаў СШ№ 1 завітала бібліятэкар ДУК «Бярэзінская цэнтральная раённая бібліятэка” з займальнай літаратурнай гульнёй «Тайны кніжнага лесу». Сустрэча атрымалася казачнай і вельмі карыснай для вывучэння роднай мовы.
Вось як прайшло наша падарожжа:
«Страчаныя рэчы»: Бібліятэкар прынесла кошык з прадметамі, якія згубілі лясныя жыхары. Дзеці разглядалі малюнкі, называлі рэчы па-беларуску і адгадвалі, каму яны належаць.
«Хто схаваўся ў лесе?»: Рабяты спаборнічалі ў кемлівасці, разгадваючы загадкі пра лясных герояў на роднай мове.
«Вецер і лісце»: Вясёлая гульня на ўважлівасць, дзе трэба было дакладна паўтараць за бібліятэкарам «лясныя» словы.
«Лясная зарадка»: Падчас чытання гісторыі дзеці не проста слухалі, а рухамі паказвалі ўсё, што адбывалася ў казачным лесе.
Асаблівую ўвагу надалі пытанню: «Чаму важная пятніца?». Бібліятэкар распавяла пра цудоўную акцыю «Кожная пятніца — роднае, сваё». З даўніх часоў лічылася, што ў гэты дзень трэба быць бліжэй да сваёй сям'і і каранёў, а таксама здзяйсняць добрыя ўчынкі і казаць ветлівыя словы.
Цяпер школьнікі ведаюць: кожную пятніцу ў бібліятэцы ўсе размаўляюць па-беларуску і выбіраюць кнігі нашых аўтараў. Гэта цудоўная нагода, каб яшчэ больш палюбіць сваё, беларускае!