Пасля працяглых летніх канікулаў зноў зазвінелі дзіцячыя галасы ў памяшканні Ушанскай сельскай інтэграванай бібліятэкі ГУК “Бярэзінская цэнтральная раённая бібліятэка”. Хтосьці заходіць здаць прачытаныя кніжкі, а хтосьці – выбраць што-небудзь цікавае з новых паступленняў. У час чарговага наведвання бібліятэкі вучнямі малодшых класаў прыемным падарункам для іх стала беларуская чытанка “Верасок”. Так 5 верасня была праведзена прэзентацыя гэтага выдання “Цікавая кніжка для маленькіх чытачоў”. Дзеці з інтарэсам паслухалі некалькі вершаў, прадстаўленых у гэтай кнізе, а пасля і самі пачалі чытаць іх на перабой. Нават адзін хлопчык узяў яе дадому, каб прачытаць усю. Вельмі цікавае выданне для дзяцей і іх бацькоў!
Мы в соцсетях & RSS