Гэта цікава!

Гэта цікава! 
У бібліятэкі раёна паступіла новая кніга беларускай фантастыкі “Планета ў падарунак”. Зборнік паяднаў аповесці і апавяданні фантастычнага і фэнтэзійнага характару. Адметна, што ў зборніку змешчаны твор нашага земляка, беларускага пісьменніка-фантаста, карэспандэнта раённай газеты "Бярэзінская панарама" Алеся Бычкоўскага “Зачараваная шафа”. Галоўны герой твора, дзякуючы нечаканаму сябру-хлопчыку, трапляе ў свет, у якім бачна сапраўдная існасць кожнага чалавека. Падзеі ў творы цікавыя і неверагодныя. Шукаючы ў мастацкай літаратуры розных накірункаў “лекі”, мы імкнёмся заставацца маральна здаровымі, ураўнаважанымі, а фантастыка - жанр, што расказвае пра падзеі і герояў, якія парушаюць межы рэальнасці.
Паважаныя чытачы, запрашаем вас наведаць бібліятэчныя ўстановы ДУК "Бярэзінская цэнтральная раённая бібліятэка", каб дакрануцца да творчасці таленавітага земляка праз яго творы.