“Жадаю я, каб лета не сканчалась!”

У Багушэвіцкай сельскай бібліятэцы-клуб ДУК "Бярэзінская цэнтральная раённая бібліятэка" для дзяцей і падлеткаў прайшла гульнёва-забаўляльная праграма “Жадаю я, каб лета не сканчалась!”. Апошнія дзянькі сонечнага і такога цікавага лета амаль скончыліся. Уляцелі ластаўкі і настаў час развітвацца з юнымі гасцямі нашага аграгарадка, якія праводзілі свае канікулы ў бабуль. Вясёлыя гульні з вясковымі сябрамі, забаўляльныя віктарыны, гумарыстычныя загадкі стварылі выдатны настрой у дзяцей. Спадзяемся, што гэты час у Багушэвічах назаўжды застанецца сярод салодкіх успамінаў і не дазволіць забыць сваю “малую Радзіму”.