“Родная краіна – Беларусь, я табою ганаруся!”

Каб любіць Беларусь – трэба яе ведаць! Ведаць настолькі дасканала, каб кожную яе адметнасць і значнасць уплятаць у вянок гонару, любові і пашаны, гучна заяўляць сваю прыналежнасць да беларускага народа, беларускай дзяржавы. Мы – беларусы маем сваіх герояў, сваю славу, сваю гісторыю. Трыбуна гонару “Родная краіна – Беларусь, я табою ганаруся!” была прапанавана супрацоўнікамі Бярэзінскай раённай бібліятэкі выхаванцам дзіцячага аздараўленчага летніка з дзённым прабываннем СШ №2 “Радуга” . Кожны прысутны здолеў увачавідкі, на экспазіцыі “Бярэзінскія брэнды” і па расповеду вядучай пераканацца: беларускае – лепшае! Былі агучаны легенды і паданні, пераканаўчыя лічбы і факты, прозвішчы вядомых ва ўсім свеце беларусаў, брэндавая прадукцыя беларускіх вытворцаў, нацыянальныя сімвалы і беларускія рэкорды першынства ў свеце, Еўропе, СССР. Гэта стымулявала ў юных грамадзян гонар за Бацькаўшчыну і ўзнёслыя пачуцці патрыятызму з асэнсаваннем таго, што кожнаму ад нараджэння дастаўся вялікі скарб – родная Беларусь, і мы – пасланцы сваёй краіны ў цэлым свеце, адказныя за лёс роднага краю. Нам дадзена з гонарам звацца беларусамі