“Імёны вяскоўцаў у кнізе “Памяць”

20 сакавіка ў памяшканні Ушанскай сельскай інтэграванай бібліятэкі ДУК “Бярэзінская цэнтральная раённая бібліятэка” для вучняў малодшых і сярэдніх класаў быў праведзены інфармацыйны агляд “Імёны вяскоўцаў у кнізе “Памяць”, прыўрочаны 20-годдзю з дня выдання гістарычна-дакументальнай хронікі “Памяць: Бярэзінскі раён” аўтарам-укладальнікам якой з’яўляўся Прыбыткін Пётр Аўрамавіч. Дзеці ўважліва паслухалі кароткі аповед пра гэтага чалавека, а пасля больш падрабязна разгледзелі некаторыя раздзелы прадстаўленага выдання.
Дарослыя наведвальнікі бібліятэкі таксама звярнулі ўвагу на гэта выданне. Яны з інтарэсам гарталі старонкі кнігі і, знайшоўшы знаёмае прозвішча, узгадвалі, дзе і як жыў гэты чалавек, з якой ён быў сям’і і чым праславіўся.
Увазе дарослых і дзяцей былі прадстаўлены і краязнаўчыя папкі, што знаходзяцца ў нашай бібліятэцы і рэгулярна папаўняюцца новымі матэрыяламі.