Экcпазіцыі землякоў

У Бярэзінскім раёне багата людзей з творчай душой і залатымі рукамі. Сведчаннем гэтага з'яўляюцца шматлікія экспазіцыі і выставы творчасці землякоў і іх прэзентацыі ў так званай міні-галерэі ДУК "Бярэзінская цэнтральная раённая бібліятэка". Пачынаючы з 2005 года тут выстаўляліся самыя разнастайныя творчыя работы таленавітых землякоў. Не спынілася работа і пасля рэканструкцыі будынка ўстановы. З чэрвеня 2022 года наведвальнікам бібліятэкі былі прадстаўлены выставы творчасці Сняжаны Нікулінай, Алы Семяняка, Людмілы Хадасок, Анатолія Вайніловіча, Паўла Картэля, Таццяны Калейнік, Варвары Панкратавай, Паліны Сярмяжка, Дзіаны Фёдаравай і пастаянна дзеючыя мастацкія выставы Віктара Коласа і Аляксандра Кудрашова.