Сікорскі Усевалад Міхайлавіч

Сікорскі

Усевалад Міхайлавіч

(10. 10. 1923г.-22.12.1981г.)

Член-карэспандэнт  Акадэміі навук БССР (1972), доктар філасофскіх навук (1967), прафесар (1967). Заслужаны дзеяч навукі БССР (1971).

Нарадзіўся ў в. Хутар Чэрвеньскага р-на Мінскай вобл.   Затым сям’я пераехала ў Беразіно. Удзельнік партызанскага руху ў Беларусі ў гады Вялікай Айчыннай вайны.

Скончыў Белдзяржуніверсітэт (1949). Працаваў у газеце "Звязда", карэспандэнтам "Правды" па БССР. У 1953-1972 гг. выкладчык, дацэнт, прафесар, загадчык кафедры гісторыі КПСС у Белдзяржуніверсітэце.

У 1972-1978 гг. рэктар Белдзяржуніверсітэта.

У 1978-1981 гг. загадчык кафедры гісторыі КПСС у Белдзяржуніверсітэце.

Дэпутат Вярхоўнага Савета БССР у 1975-1980 гг.

Асноўныя працы па гісторыі КПСС, праблемах міжнароднага рабочага і камуністычнага руху, барацьбе КПСС супраць рэвізіянізму і рэфармізму.

Кіраўнік аўтарскага калектыву і галоўны рэдактар ​​падручніка "Курс лекцый па гісторыі КПСС" (ч. 1-2, 1971).

Аўтар звыш 190 навуковых прац, у тым ліку 20 манаграфій.  

Узнагароджаны:

Ордэн Айчыннай вайны I ступені (1949);

Ордэн Працоўнага Чырвонага Сцяга (1967);

Ордэн Працоўнага Чырвонага Сцяга (1976);

медалямі.