Кошман Вадзім Іванавіч

Кошман

Вадзім Іванавіч

(13. 04. 1975г.)

Кандыдат гістарычных навук, дацэнт.

Нарадзіўся ў  г.Беразіно. У 1997г. скончыў гістарычны факультэт Беларускага дзяржаўнага педагагічнага ўніверсітэта імя М.Танка. У 1998 г. скончыў магістратуру БДПУ імя М.Танка. 1998-2001гг. - навучанне ў аспірантуры Інстытута гісторыі НАН Беларусі.

 У 2003 г. абараніў кандыдацкую дысертацыю «Сельскія паселішчы міжрэчча Бярэзіны і Дняпра Ў Х-ХІІІ стст.».

 У 2007 г. прысвоена Навуковае званне дацэнта.

 З 2012 года - загадчык аддзела археалогіі сярэдніх вякоў і Новага часу Нацыянальнай акадэміі навук Беларусі

Член рэдакцыйнай калегіі часопіса «Acta Archaeologica Albaruthenica», адказны сакратар навуковага выдання «Матэрыялы па археалогіі Беларусі".

З вясны 2007 г. член Палявога камітэта пры ДНУ "Інстытут гісторыі НАН Беларусі» (навуковы орган, які каардынуе археалагічныя даследаванні на тэрыторыі Рэспублікі Беларусь, ажыццяўляе кантроль за якасцю археалагічных работ, парадкам захавання археалагічных матэрыялаў, праводзіць экспертызы навуковых справаздач аб археалагічных даследаваннях).

Сфера навуковых інтарэсаў:

Археалогія і гісторыя паселішчаў Х-XVIII стст., Вывучэнне сістэмы рассялення, матэрыяльная і духоўная  культура

Беларусі сярэдніх вякоў і Новага часу, вывучэнне месцаў бітваў. Правядзенне выратавальных і ахоўных археалагічных даследаванняў у месцах земляных і будаўнічых работ.

Лаўрэат навуковай стыпендыі Прэзідэнта Рэспублікі Беларусь таленавітым маладым навукоўцам (2009).